ازيكم يا مصممين
😃أظن كدة ان أغلبية المصممين في مصر والوطن العربي شغلهم بيكون فريلانسر ومش بيكونوا عارفين حاجة عن شغل الطباعة ولا أنواعها ولا الخامات
💻
💳انا حبيت اشرحلكم شوية حاجات عن شغل الطباعة بأنواعها بخامتها📠
نبدأ بأنواع الطباعة
كل اللي اعرفو عن أنواع الطباعة انهم 4 انواع
ديجيتال و أوفست و إن دور و أوت دور
الطباعة الديجيتال سهلة جدا ومش محتاجه شرح طويل
هي مكنة طباعة في منها صغير وفي منها كبير
بتكون الطباعة فيها واضحة والألوان بتكون جميله وتقدر تطبع على أنواع ورق مختلفة ومقاسات مختلفة بحد أقصى مقاس a3 (40*30)
بس بتكون تكلفتها عالية شوية مقارنة بالاوفست.
الطباعة الاوفست هي طباعة كميات كبيرة من الورق تصل إلى 1000 ورقة
المقاسات بتكون فرخ ونص فرخ وربع فرخ وتمن فرخ
(100*70_50*70_35*50_25*35)
وفيه خامات ورق كتير فى الطباعة دي
الألوان فيها بتكون أقل وضوح من الديجيتال
الطباعة دي رخيصة جداً لو هتطبع كمية (1000 عالأقل)
شغل الكروت وشغل منيوهات المطاعم والبرشورات وكل ده شغل طباعة أوفست وفيه منه ديجيتال بس لو الكمية قليلة
الطباعة الإن دور والأوت دور مختلفة تماماً عن الاوفست والديجتال
دول بقا طباعة المقاسات الكبير والبانرات واليفط
الفرق بين الإن دور والأوت دور هو أن الأوت دور بيكون لليفط واللوحات اللي بتكون معرضة للشمس والمياه
اما الإن دور لليفط واللوحات اللي بتكون داخل المباني وبتكون أقل عرضة للشمس والمياه
مقاسات الطباعة دي ممكن توصل ل 5 متر عرض والطول مفتوح معاك
خامات الطباعة كتير جداً
أشهرها (البانر-الفليكس-الفينيل-الجلوسي) وفيه خامات تانية كتير وكل خامة ليها استخدام واحتياج معين
ده كل اللي عندي بخصوص أنواع الطباعة وطبعاً انا مشرحتش كل حاجة بالتفصيل عشان وقتكم في القراية ولو في أي إضافة أو سؤال عند أي حد يتفضل يضيفه وهنحاول نساعده
والسلام عليكم ورحمة الله وبركاته
هل طباعة الاوت دور تصلح علي القماش
ردحذفعايز اعمل مصنع فواحات
ردحذفمش عارف ايه المعدات المطلوبه
ردحذف